VOV4.M’nông: Tâm rơh khâl ndrel pah kan ta Việt Nam, kêng măng 23/2, ta ntŭk kan Chính phủ, Groi Thủ tướng Rnâng kan Chính phủ Phạm Bình Minh hŏ vơt nŭih ntoh măt bah Tổng thống Hoa Kỳ John Kerry. Tâm nar vơt, Groi Thủ tướng Chính phủ Phạm Bình Minh ntoh nau rhơn bah năp ăp nau hun hao mhe tâm nau tâm boh kan nsum đah ăp ding việt Nam-Hoa Kỳ tâm âk nau kan, tâm nê rnoh geh ƀư nau kan tăch rgâl bah 2 ding năm 2021 geh 111 rmen đola. Groi Thủ tướng rnê prêh ndrel lah ueh ăp nau nsôih ndrel rgop bah êng săk wa John Kerry tâm nau ƀư ueh nau tâm boh ndrel ntrŭt dăng nau tâm boh Việt Nam-Hoa Kỳ tâm âk jêt năm ma aơ, tâm nau dôl gẹ, đă bar dak lŏ n’hao lơn tay nau ntrŭt dăng tâm boh Việt Nam-Hoa Kỳ hun hao đăp mpăn, jŏ jong, ngăn ndrel săk tam. Di rnôk aơ, Groi Thủ tướng kŏ lah ueh Chính phủ Hoa Kỳ tât rnôk aơ kơl an Việt Nam rnoh 29,1 rkeh dĭng vắc xin njrăng srê Covid-19, ntoh nau ŭch Hoa Kỳ ơm kơl an ân Việt Nam tâm ăp nau kan kơt ntĭm nti, dak si, kơl an, văng sa mrô./.

Nŭih rblang: H’Thi