Nar naơ 16/9, tât khâl n’hanh pah kan đah n’gâng kan Nội vụ, Groi Thủ tướng rnâng kan Nguyễn Hòa Bình lah na nê̆ “way geh kơl an nău mĭn rgâl mhe n’hanh mô geh tâm nje, der kan”. Lôch geh djăt nău dăn đă bâh n’gâng kan Nội vụ n’hanh ăp n’gâng kan, ntŭk kan geh tât, nglôch lôch rơh pah kan, groi Thủ tướng rnâng kan Nguyễn Hòa Bình lah na nê̆ n’gâng kan Nội vụ geh nău kan dŭt khlăy, mât ăp nău kan mpeh n’gâng kan, nkret njêng, kon nuĭh n’gâng kan hành chính...lah ăp nău kan geh tât nău ueh bâh pah kan ngih dak, geh tât âk bôk nău kan têh bâh Đảng. Groi Thủ tướng rnâng kan đă n’gâng kan Nội vụ rgum ƀư lôch Nău nchrăp kan nglôch lôch 20 năm ƀư tĭng nău kan bâh n’gâng kan Chính phủ ƀư tơm rdâk njêng nău kan tơm leo ƀư Chính phủ khóa 16 năm kan 2026-2031.