VOV4.M’nông: Ôi lơ 1/8, Groi Thủ tướng Rnâng kan Phạm Bình Minh ƀư tơm nar rƀŭn rmôt kan mrô 1 bah Thủ tướng Chính phủ, bonh đă nau pă tơm prăk ntuh kơl nsum tâm 7 n’gâng kan, ntŭk kan Trung ương ndrel 4 n’gor. Tĭng nau mbơh bah N’gâng kan nchrăp kan ndrel ntuh kơl, Thủ tướng Chính phủ jao ân rnoh tơm prăk Ngih dak rlau 24 rbăn rmen ân 7 n’gâng kan, ntŭk kan Trung ương ndrel 4 n’gor, yơn tât rnôk aơ rnoh pă tơm prăk mhe knŭng geh 15% nau nchrăp.

Lôch nau ta nar rƀŭn, Groi Thủ tướng Phạm Bình Minh lah rjăp nau êng êng tâm nau nchrăp pă tơm prăk tâm nau lăp kan rjăp bah ăp n’gâng kan, ntŭk kan ndrel n’gor. Lah mô geh pă tơm prăk, ăp n’gâng kan, ntŭk kan ndrel nkuăl ơm kơp uănh nau đă mpeh nau ntrơn jao tơm prăk ân ăp n’gâng kan, ntŭk kan, n’gor êng êng dôl ma ŭch prăk gay ma ntrŭnh. Ân geh nau kơp rgum, nchrăp lor ntŭk ntu, ân geh tâm rgop nsum đah ăp n’gâng kan, ntŭk kan Trung ương gay ma ơm geh ntŭk gay ma ƀư nau kan./.

Nŭih rblang: H’Thi