VOV4.M'nông: Ôi 1/4, Bộ Ngoại giao n'hanh Mpôl kan dak bah dih Pháp ngữ (OIF) kan nsum ƀư rgum nchră wăng sa gưl têh Pháp ngữ. Groi Thủ tướng Rnâng kan Phạm Bình Minh n'hanh Tổng Thư ký Nhih pah kan dak bah dih Pháp ngữ Lui-dờ Mút-shi-ki-oa-bô ƀư tơm tâm nchră. Lah ta rơh rgum nchră wăng sa gưl têh Việt Nam - Pháp ngữ, Groi Thủ tướng Rnâng kan Phạm Bình Minh lah rjăp: Việt Nam hŏ n'hanh dôl rgâl dăng rƀŏng tât hun hao kloh uĕh, wăng sa sĭt wăch tay. Chính phủ uănh an ƀư âk bôk nău kan, trong nchrăp têh, tâm nê geh trong kan têh jong gưl neh dak mpeh hun hao nđĭr uĕh lvang năm 2021-2030, uănh ngai tât 2050, đah nău ŭch ntrŭt ntrôl dăp rgum tay jâng wăng sa rgâl mhe tĭng trong hun hao mpeh wăng sa, nâp dăng mpeh ntŭk gŭ rêh n'hanh geh tâm ban mpeh nău rêh, rƀŏng tât jâng wăng sa nđĭr uĕh, tâm ban carbon n'hanh rgop tâm nău kân bah hao duh lam ntŭr neh./.

Nuĭh rblang: Điểu Thân