Ntoh ngơi ta Rƀŭn nchră, Groi Thủ tướng Trần Hồng Hà mĭn lah, năm bah năp, báo chí cách mạng Việt Nam lĕ lah di, uĕh ăp ntil nău rêh jêng, nău nkoch, nău ŭch bah nuĭh ƀon lan. Báo chí ƀư uĕh nău hăn lor ăp ntil nău mĭn-nău mbơh-nkoch trêng, hăn lor tâm nău rêng hvi mbơh nău di, rup gui bah Việt Nam “đăp mpăn, uĕh lăng, dăch dêh, hun hao.

Groi Thủ tướng Chính phủ Trần Hồng Hà đă ăp gưl Hội an nchrŏng trong ăp ngih pah kan báo chí tĭng nău ngăn, lah jru hvi, lĕ rngôch nău rêh gay geh âk nău nchih báo chí uĕh di, n’hao nuih n’hâm, nău khlay uĕh. Ăp ngih pah kan báo chí ndâk njêng tay nuĭh kan báo chí way kan, dơi uănh lah ăp nuĭh way kan mpeh wăng sa, tâm rnglăp nchră nău bah dih, nghệ thuật, công nghệ.