Kêng măng 21/2, ta ntŭk kan Chính phủ, Groi Thủ tướng Trần Hồng Hà râng rƀŭn nchră đah rđau kan N’gâng kan dak si, du đê̆ n’gâng kan, ntŭk kan dak si gay ma djăt nau mbơh mpeh nau ntrŭnh ntĭm mbơh nau kan bah du đê̆ điều bah Luật Đấu thầu năm 2023 mpeh nau săch ntŭk ƀư kan.

Tâm rơh rƀŭn, ăp ntoh măt hŏ rgop ăp nkô̆ nau geh tât: nau pă gưl tâm đấu thầu, nsing tâm nê gay ma ndâk rnoh ƀư kan; ntrŭnh du đê̆ nau njrăng mô lah uănh năl nau mbơh mpeh rnoh dak si, ndơ dŏng dak si, hoá chất, ndơ dŏng xét nghiệm; mbơh nau ndrel sŏk prăk mbơh nkoch nau mpeh jă thầu.

Ntoh nau tâm nar rƀŭn, Groi Thủ tướng Trần Hồng Hà đă: N’gâng kan dak si tâm rgop nsum đah N’gâng kan nchrăp kan ndrel ntuh kơl ndâk nkô̆ nau kan năl trong tâm ban nau, tâm di pháp luật bah ăp nau mbơh rnoh. Tâm nê, khlay ngăn lah Hội đồng bah Ngih dak si năl rnoh nau kan, nau đă bư, nau nâp, nau săk tam văng sa bah dak si, ndơ dŏng dak si, ƀư ntŭk dơi gay ma săch rnoh thầu./.