Ta ntŭk ƀư kan. groi Thủ tướng Trần Hồng Hà kơp dơn nău nsrôih, nău dơn kan, nsrôih n’hanh ăp nău dơi geh bâh ăp n’gâng kan, ntŭk kan, ntŭk tơm ntuh kơl, rnâng kan mât uănh nău nchrăp kan, ntŭk dơn kan n’hanh mpôl cán bộ, nuĭh pah kan tâm nău mbơh tơih ăp nău nchrăp kan.

groi Thủ tướng đă ăp ntŭk kan, nuĭh tơm ntuh kơl, ntŭk leo kan, ntŭk ƀư trong, mbơh ôp nău uănh nđôi...an geh mbơh tơih tay răng dăng, săk rnglăy ăp nău ntĭm leo bâh Thủ tướng chính phủ đah ăp nău nchrăp kan ƀư trong têh Diễn Châu - Bãi Vọt n’hanh trong rse 500kV Quảng Trạch - Quỳnh Lưu mât đăp mpăn nău ngăch kan, nău ueh. Nchrăp lôch hăn uănh nđôi ntŭk kan, groi Thủ tướng mbra leo rơh rƀŭn nchră ăp ntŭk kan, n’gâng kan, ntŭk leo kan geh tât mpeh nău mbơh tơih 2 nău nchrăp kan tơm mbơh nĕ gay ma geh doh rklaih ăp nău jêr, kŏ văk n’hanh doh rklaih ăp nău tât, nău mbơh dăn.