Ôi 31/5, ta Ntŭk kan Chính phủ, Groi Thủ tướng Trần Hồng Hà vơt nŭih ntoh măt Hoa Kỳ ra Việt Nam Marc E Knapper ndrel nŭih ntoh măt bah dak Hà Lan ta Việt Nam Kees van Baar. Vơt nŭih ntoh măt Hoa Kỳ ta Việt Nam Marc E. Knapper, Groi Thủ tướng Trần Hồng Hà ân lah, rơh rlau aơ, nau tâm boh Việt Nan-Hoa Kỳ lơn ma rjăp đah nau ƀư nau kan rgum mpeh nau rdâng trôk nar lơh, rklaih nau khuch bah dak si Đioxin, ntrơn rgâl ŭnh nar tâm ban (JETP)...Groi Thủ tướng Trần Hồng Hà lah rjăp, ăp nau kan lam ntur neh lah nau tâm boh khlay đah Việt Nam ndrel Hoa Kỳ, ntrŭt dăng nau tâm boh ngăn, jru, leo tât nau khlay văng sa ân ƀon lan bar dak, nkre rgop nau rklaih ăp nau kan bah lam ntur neh.

Vơt ntoh măt dak Hà Lan ta Việt Nam Kee van Baar, Groi Thủ tướng Trần Hồng Hà ân lah, tâm rơh tât, 2 dak ân pơk hvi lơn tay nau tâm boh, tă bah nê n’hao nau mhe, njêng nau tâm boh tâm rnơm, săk tam. Groi Thủ tướng rnê ăp dak kan nsum, ntŭk kan tăch rgâl bah Hà Lan râng nau rlong nglăp điện chor ngih tâm ăp ntŭk kan Ngih dak, ngih săm ƀŭt, ngih dak si, ntŭk rgum nsum, râng ƀư nau rlong kan ta Việt Nam gay rgop nau ƀư jêh nau săch ntuh kơl, nau mĭn njêng, ntrơn jao nau kan, nchră nau săk tam văng sa, đăp mpăn neh dak./.