Ôi 14/8, ta ntŭk kan Chính phủ, Groi Thủ tướng Trần Hồng Hà hŏ vơt wa Nitin Kapoor, Kruanh ndrel lah Tổng Giám đốc Công ty Asrea Zeneca. Tâm nar vơt, Groi Thủ tướng rnê prêh ndrel njoăl nau lah ueh wa Asrea Zeneca hŏ geh ăp nau nsôih kơl an, năn đah Việt Nam tâm nau njrăng, rdâng đah srê Covid-19, rgop tâm nau nsôih jăng lơi srê ji lam ntur neh. Tâm nchră mpeh nau tăm 22,5 rkeh tơm si bah Asrea Zeneca.

 Groi Thủ tướng ŭch Asrea Zeneca râng tâm ăp nau kan ƀư Net Zero, JET ta Việt Nam ƀư rlong lor ân nau kan bah lam ntur neh. Groi Thủ tướng kŏ tâm nchră tât nau đă bah rmôt kan Asrea Zeneca geh tât nau ƀư tâm ban nau ntrŭnh bah Việt Nam đah ăp nau dơi ndrel nau ngăn lam ntur neh tâm nau tuch tăm, rlong ƀư, pă săm ƀŭt ân dŏng dak si, sinh phẩm, mât ueh Carbon bri./.