Ôi 23/9, ta Nhih pah kan Chính phủ, Groi Thủ tướng Trần Hồng Hà wơt wa Gan Jiayue, Giám đốc mât bôk kan Tập đoàn Ô tô Geely Auto (Trung Quốc). Rnê âk nău nsing nơm, nău dơi kan bah Tập đoàn Ô tô Geely Auto ta Trung Quốc n’hanh rlău 50 dak lam ntŭr neh, Groi Thủ tướng ŭch rŏng trong nchrăp tâm boh ntuh kơl bah Tập đoàn ta Việt Nam mbra geh nău dơi uĕh.

Tâm ôp mpeh du đêt nău mĭn khlay tâm trong hun hao ntung trong ta Việt Nam, Groi Thủ tướng ŭch rŏng trong nchrăp tâm boh ntuh kơl bah Geely Auto ta Việt Nam ân dơi an ƀư ngăch, lam lĕ rngôch bah gŭ mĭn, ƀư njêng, hun hao, ndơ̆ rgâl công nghệ, ntĭm nti tơm nuĭh kan; nkre uănh khlay tât nău rêh drăp ndơ, nuih n’hâm, ntĭm nti, dak si an nuĭh kan.