Ôi lơ 1/3, ta ntŭk kan Chính phủ, Groi Thủ tướng Trần Lưu Quang ƀư tơm nar pah kan trực tuyến đah 3 n’gor: Hải Phòng, Hải Dương, Quảng Ninh mpeh nau kan, ntrong ƀư ntrŭt dăng tuch tăm tăch rgâl, ntuh kơl, ndâk ngih vâl gung trong ndrel tăch luh ndơ dak ba dih.

Mbơh tâm nar pah kan ân saơ, nau kan hun hao văng sa bôk năm bah 3 n’gor kŏ geh nau ueh. Ăp nau kan dôl geh ndâk đăp mpăn, tâm ăp ntŭk ƀư kan tăch rgâl, rnoh nar pah kan tâm khay hŏ geh hao âk rđil rơh aơ năm e.

Rđau kan 3 n’gor đă, Chính phủ ndrel ăp n’gâng kan doh rklaih nau jêr mpeh nau kan kơt, nau kan jao neh, ân manh neh ăp nau kan in dak lêng hŏ geh jao; ăp nau nkol nau ntrŭnh mpeh nau ƀư nau kan ntuh kơl ndâk ngih gay tăch...

Lôch nar pah kan, Groi Thủ tướng Trần Lưu Quang mbơh, âk nau đă bah nkuăl mpeh nau doh rklaih nau jêr hŏ geh Chính phủ ndrel ăp n’gâng kan rklaih. Đă ăp n’gor tă bah nau ngăn mbơh ân ăp ntŭk kan Trung ương rklaih ân tam, khoa học./.