Nar ntri (14/8), Groi Thủ tướng Chính phủ Trần Lưu Quang hŏ râng Nar rgum lam ƀon lan mât rnă njrăng Neh dak ta phường An Lạc, thị xã Buôn Hồ, n’gor Dak  Lak n’hanh geh nău lah rđău đă mpeh pah kan đăp mpăn rnă njrăng ta n’gor dja. Groi Thủ tướng Chính phủ Trần Lưu Quang mpơl nău rhơn rnôk Nar rgum lam ƀon lan mât rnă njrăng Neh dak ta phường An Lạc, thị xã Buôn Hồ dơi ƀư dŭt ăp tŏng, têh uĕh n’hanh âk nău kan khuh n’gôr, wăch rgum nău râng lĕ nuih n’hâm rah rơch bah ƀon lan.

Groi Thủ tướng Chính phủ đă, let năp tay, n’gor Dak Lak lah nsum phường An Lạc lah êng, ân tĭng ƀư răp jăp tay, năn ngăch, geh nău tam ăp trong rđău đă bah Trung ương mpeh rdâk  njêng trong leo lam ƀon lan mât rnă njrăng neh dak. Bah nê, ndơ̆ trong leo kan dja nar lơn ma lăp jru, ngăn ngăn, ntĭk uĕh săk geh, geh suan ring  tam dăng đah ăp trong kan uĕh blău. Nkre, rgum suan dăng bah lam trong kan chính trị n’hanh lam ƀon lan gay đăp mpăn rnă njrăng, rdâk njêng nău rêh đăp mpăn, răm mƀak an ƀon lan./.