Kêng măng 7/8, ta Hà Nội, Groi Thủ tướng Trần Lưu Quang – Kruanh Ủy ban gưl neh dak rdâng lơh n’hanh kơl joi nuĭh geh nău tât ƀư tơm rơh tâm nchră nău kan rgum tơm ăp khay kêng dŭt năm 2023. Rlău bơi 8 khay, lam dak năl geh 1 rbăn 753 nău tât, trôk nar lơh khĭt n’hanh rmanh 450 nuĭh; 1 rbăn 176 ha bri geh ŭnh sa; rlâm, plôk chor rlău 9 rbăn mblâm jay; 5 rbăn ha ba n’hanh tuh mbo... Rdâng lơh n’hanh nkra bah nău tât, trôk nar lơh, hŏ rgum rlău 53 rbăn tơ̆ nuĭh n’hanh 3 rbăn 633 tơ̆ ndeh rklư ăp ntil.

Năl lah ta rơh hop an saơ, bol pah kan nkoch trêng dơi ŭanh khlay, yơn nău gĭt êng bah du đêt n’gâng kan tâm dâng, ăp n’gor n’hanh nuĭh ƀon lan hôm uănh lhơ; khuch khat tă bah tât trôk nar lơh hôm âk, lơn lah khuch khat mpeh nuĭh rnôk geh nău tât, dak bŭk, dak rchoh, pĭch rlâm neh…N’glôch jêh ta rơh hop, Groi Thủ tướng Trần Lưu Quang tâm ban ŭch đah 12 nău kan rgum tơm hŏ n’gluh. Groi thủ tướng lah kloh, trôk nar lơh ntơm bah aơ tât kêng dŭt năm hôm jêr nchroh lor, rdâng lơh trôk nar ân njrăng âk lơn, ăp n’gâng kan n’hanh n’gor ân ôp ŭanh tay  ăp nău dơn kan bah he gay kơi ntop tâm di đah nău ŭch geh ngăn ngăn tâm rdâng lơh trôk nar tât./.