Ôi 17/7, Groi Thủ tướng Trần Lưu Quang hŏ ƀư rơh hop pơk sŏng dăng rdâng lơh đah phŭt mbrô 1. Tĭng nău nchroh, măng 17, ôi 18/7, phŭt mbrô 1 ntô̆ lăp tâm neh kơh dak he. Aơ lah phŭt dŭt dăng tâm 5 năm aơ. Rdâng lơh đah phŭt, ntơm bah 12 mông nŭng nar 17/7, ăp n’gor Quảng Ninh, Nam Định tĭng ƀư nău ntrŭnh mpăng hăn dak lêng, nkre manh rlu ăp nău kan nchuăn rdeng, wơt dơn năch pâl nđaih ta ăp nkual pâl nđaih.

Lôch ôp uănh ăp nkual klach rvê n’hanh ta ăp gŭk mât tui ka bah ăp n’gor, nchrăp mbra geh bơi 30 rbăn nuĭh ân tât ntrơn du ntŭk đăp mpăn. Mpôl tahen Quân khu 3, Quân khu 4 hŏ n’hanh dôl rgum kơl nuĭh ƀon lan kât ndăl nhih jay; ntrơn gŭk mât tui ka; mbơh duk mpan sĭt tât ntŭk đăp mpăn n’hanh dăp rgum duk mpan ta ntŭk kât ndăl. N’glôch jêh rơh hop, Groi Thủ tướng Trần Lưu Quang nchih nkah nău lor nchrăp bah ăp n’gor tâm trong nchrăp rdâng lơh đah phŭt, nkre đă ăp n’gâng kan n’hanh ăp n’gor mô ŭanh lhơ, tĭng ƀư jăp siƀŭt njuăl bah Thủ tướng Chính phủ mpeh nău rdâng lơh đah phŭt mbrô 1.