Tâm rnôk hăn khâl na nê̆ Ai Cập, ôi 27/7, Groi Thủ tướng Chính phủ Trần Lưu Quang lĕ rgum nchră đah Thủ tướng Ai Cập Mostaf Madbouly. 2 ding tâm ban ŭch an nâp nâl tâm boh way ơm dăch dêh n’hanh kan ndrel uĕh lăng tă bah n’hao lơn tay tâm rgâl mpôl ăp gưl, ngăn lah gưl prêh.

2 kruanh rđău kan an lah 2 dak hôm e âk nău geh gay ntrôl dăng kan ndrel tâm ăp ntil tăch rgâl, ntuh kơl, lŏ mir...; ngăn lah n’hao tâm rgâl mpôl doanh nghiệp, tâm rgop ƀư ăp nău ntrŭt ngăch tăch rgâl, ntuh kơl ta ăp dak tâm năm tât, nta nơih an ăp ndoh ndơ tăch n’gluh têh bah ăp ding ndơ lŏ mir, phe, ndơ kho ao, phân poh... tâm ntŭk tăch ăp ding; ntrŭt nsôr n’hanh nta nơih an doanh nghiệp 2 ding n’hao boăt nthoi, râng ntuh kơl an ăp nău nchrăp ƀư ăp dak. Gay hun hao săk rnglăy ăp trong mkra, 2 ding tâm ban ŭch nchrăp uĕh n’hanh ơm ƀư rơh rƀŭn tal 6 Ủy ban hỗn hợp Việt Nam-Ai Cập; ntrŭt lôch jêh pháp lý an kan ndrel âk ntil đah 2 dak.