Groi Thủ tướng rnê âk săk rnglăy ntuh kơl, tăch rgâl bâh tập đoàn LG lah nsum n’hanh công ty Display lah êng ta Việt Nam, tâm rgop ta nău hun hao wăng sa- rêh jêng ta Việt Nam, ntop ƀư kloh ueh tay nău tâm boh tâm kơl kan lĕ rngôch Việt Nam- Hàn Quốc. Groi Thủ tướng ŭch Tập đoàn LG an geh pơk hvi ntuh kơl tay ta Hải Phòng n’hanh ăp ntŭk bâh Việt Nam; đă tập đoàn ntuh kơl rdâk njêng du ntŭk kan mĭn uănh hun hao ta Việt Nam.

Nkre lah an gĭt Thủ tướng chính phủ mhe an dŏng nău rgâl mhe nău nchrăp kan nsum bâh nkuăl ƀon têh Hải Phòng tât năm 2040, mpŏng uănh tât năm 2050 đah nău mpŏng ntop rnoh neh gay ma hun hao công nghiệp, bâh nĕ njêng nău dơh nơih an ăp nuĭh ntuh kơl, tam nĕ geh tập đoàn LG pơk hvi ntuh kơl ta nkuăl ƀon têh Hải Phòng.