Ta ăp ntŭk nuĭh Chăm gŭ rêh 100% xă geh tâm di thôn ƀon mhe, geh trong ndeh ô tô tât nklang, 100% nkual nuĭh Chăm dŏng điện, geh ngih dak si, geh ngih văn hóa xă, geh ngih sam ƀŭt. Rnoh geh prăk bah nuĭh Chăm âk lơn n’hanh rnoh rnăk ach o đêt lơn nkôp đah rnoh rĭng nsum lam n’gor Ninh Thuận.

Ta nar wơt, Groi Thủ tướng Trần Lưu Quang mpŏng ăp chức sắc, chức việc ƀư tơm tay tâm nău rgŏ jă kon chroh ƀư tĭng nău ntrŭnh nău kơl bah Đảng, ngih dak, tâm nău mât ndrăy, ƀư uĕh nău way ơm văn hóa uĕh, âk ntil, rgop ƀư ndrŏng ntŭk mât prăp văn hóa ăp rnoi nuĭh Việt Nam. Groi Thủ tướng uănh lah nău rgop bah ƀon lan ăp chroh tâm nkual Chăm bah Ninh Thuận lah nău rgop âk tâm nău hun hao bah ƀon lan n’hanh neh dak.