Kêng măng 20/6, Groi Thủ tướng Chính phủ Trần Lưu Quang lĕ wơt Mpôl nghị sĩ bah Nghị viện châu Âu. Aơ lah mpôl nghị sĩ châu Âu tal 3 tât khâl Việt Nam kơp bah bôk năm tât aƀaơ, mpơl nău uănh khlay bah Liên minh châu Âu đah nău n’hao tâm boh kan ndrel đah Việt Nam. Ta nar wơt, Groi Thủ tướng Trần Lưu Quang mĭn lah Việt Nam dŭt uănh khlay n’hanh ŭch ntrôl tâm boh đah Liên minh châu Âu.

Groi Thủ tướng mpŏng 2 ding ntrôl dăng kan ndrel ta ăp ntil nău, ngăn lah ăp ntil nău dôl geh trong nsum bah lam ntŭr neh n’hanh EU geh jâng dăng kơt hun hao uĕh nđĭr, hun hao nâp nâl, ŭnh nar nkra njêng, rdâng đah rgâl trôk nar..., tă bah nĕ rgop ntrôl tâm boh kan ndrel lĕ rngôch Việt Nam-EU hun hao nar lơ jru hvi, ngăn ngên. Groi Thủ tướng đă Ủy ban châu Âu ơm rơih jăng thẻ vàng đah ndơ tui ka bah Việt Nam tĭng uănh lah uĕh mpeh ăp nău nsrôih n’hanh ngăn ngên bah Việt Nam tâm nău njrăng n’gang joi tui ka mô tâm di nău way.