Kêng măng 8/3, ta văn phòng Chính phủ, Groi Thủ tướng Chính phủ Trần Lưu Quang hŏ wơt Kruanh Tập đoàn Sunny (Trung Quốc) Diệp Lưu Ninh  n'hanh Mpôl tâm nđŭr ntrŭt ntrôl hun hao wăng sa Kyushu (Nhật Bản). Tập đoàn Sunny (Trung Quốc) way ƀư njêng ndơ geh tât điện thoại, ndơ pet lât n'hanh ndơ ntrŭp mât rnă njrăng. Ta rơh wơt, Groi Thủ tướng Chính phủ Trần Lưu Quang lah rjăp, Tập đoàn Sunny sơch ntuh kơl ta Thái Nguyên lah trong n'glêh an di yor aơ lah n'gor tă geh âk nău ơm gĭt kan tâm trong wơt dơn n'hanh ăp trong nchrăp kan công nghệ mhe.

Groi Thủ tướng Trần Lưu Quang mpŏng tập đoàn ntuh kơl tay trong nchrăp kan công nghệ mhe ta Việt Nam lah nsum n'hanh Thái Nguyên lah êng gay njêng geh ndru tơm bah Sunny ta Việt Nam. Wơt Mpôl tâm nđŭr ntrŭt ntrôl hun hao wăng sa Kyushu (Nhật Bản), Groi Thủ tướng Trần Lưu Quang mbah rhơn mpôl hăn n'hanh hŏ sa nkra ntŭk rgum nkoch n'hơ  Kyushu ta Hà Nội, aơ mbra lah ntung njŏ geh nău tam hun hao trong ntĭt leo tâm boh bah Kyushu n'hanh Việt Nam. Mpeh tâm boh ntĭm nti tơm nuĭh kan, groi Thủ tướng Trần Lưu Quang an gĭt, nuĭh Việt Nam ơm jăp gơih, đăp dêh nău kan, yor kơt nê̆ tâm boh tâm trong kan điều dưỡng viên lah geh nău dơi./.