Ôi 8/12, ta Hà Nội N’gâng kan Thông tin n’hanh Truyền thông ƀư Rƀŭn nchră lam dak Hun hao doanh nghiệp công nghệ mrô rơh tal 4. Tât râng geh Groi Thủ tướng Chính phủ Vũ Đức Đam n’hanh kruanh ăp N’gâng kan, nău kan, Trung ương.

Groi Thủ tướng Vũ Đức Đam râng mpla nsơ trong mkro mrô Make in Việt Nam ntoh lư.

Ta rƀŭn nchră, ăp đại biểu rgum tâm nchră ăp bôk nău: Hun hao nâp nâl n’hanh n’hao khlay Việt Nam tâm trong khlay lam ntŭr neh; boăt nthoi ndoh ndơ, nu nău công nghệ mrô Make in Việt Nam tâm n’hanh dak bah dih; hun hao doanh nghiệp công nghệu mrô tâm dak, dăn đă trong mkra ăp nău hun hao doanh nghiệp mrô ta Việt Nam, joi trong nkhêp kơt trong rƀŏng ntŭk tăch dak bah dih. Ntoh ngơi ta rƀŭn nchră Groi Thủ tướng Vũ Đức Đam lah rjăp, năm tât ăp doanh nghiệp Việt an boăt nthoi ndâk njêng rmôt nuĭh leo trong, tâm rnglăp jêng soan têh dăng, janh ndrel, luh ntŭk tăch dak bah dih đah nu nău nsing knơm.