VOV4.M’nông- Ôi nar 5/9, lăp ndrel đah nău rhơn, ueh ntơr cờ kao bâh nar tâm mâp lĕ ƀon lan ndơ̆ oh kon tât ngih nti, nai nti ngih nti Tiểu học Trung Tự quận Đống Đa, Hà Nội dŭt rhơn geh groi Thủ tướng chính phủ Vũ Đức Đam tât râng rơh ntơm lăp năm nti mhe 2022-2023.

Ngih nti Tiểu học Trung Tự aƀaơ geh rlău 1 rbăn 700 kon hoc đah 38 jrô nti, tâm nĕ geh 1 jrô nti an oh kon se quet nte geh nău tât rvưt...Lôch râng rơh ntơm lăp năm nti mhe n’hanh tât uănh ndơ dŏng bâh ngih nti Tiểu học Trung Tự, groi Thủ tướng Vũ Đức Đam ŭch, nău kan ntĭm nti bâh ngih nti Tiểu học Trung tự geh pơk hvi tât âk ngih nti êng, nkre lah, dăn đă nuĭh leo kan quận Đống Đa an geh mât uănh tay, nta tay nău dơh nơih tay lơn gay ma ăp ngih nti ta ntŭk geh mbơh tơih tay nău ntĭm nti an ăp oh quet nte, ăp oh rvưt.

  Nuĭh rblang: Thị Đoắt