VOV4.M'nông: Ôi 30/9, ta Hà Nội, Trung ương Hội Liên hiệp Bu ur Việt Nam ƀư Tâm nchră sơ kết 02 Đề án bah Chính phủ lvang năm 2017-2022 lah: Đề án “Nkoch trêng, ntĭm nti, rgŏ jă, ntop kơl bu ur râng nkra du đêt nkô̆ nău lam rêh jêng kon nuĭh geh tât bu ur lvang năm 2017 - 2027” (Đề án 938) n'hanh Đề án “Ntop kơl bu ur ntơm njêng nău kan lvang năm 2017-2025” (Đề án 939). Groi Thủ tướng Chính phủ Vũ Đức Đam n'hanh kruanh rđău kan ăp Bộ, ăp n'gâng kan Trung ương tât râng.

Ta rnôk tâm nchră, ntơh măt ăp n'gor, nkual ƀon têh tâm pă nău tă ơm gĭt kan, trong ntĭt leo nsĭt geh  âk tâm ăp trong kan bah bar đề án hŏ dơi rdâk njêng n'hanh pơk hvi kơt: trong leo tuch tăm kloh uĕh- dŏng sa ndơ kloh uĕh, trong leo njrăng n'gang bah tâm lah tâm janh rnăk wâl; ăp trong leo ntơm njêng nău kan geh nău dơi bah bu ur. Nkre dăn đă ăp trong nkra gay an ƀư 2 đề án uĕh lơn tâm let năp tay. Groi Thủ tướng Vũ Đức Đam an lah, rnôk dŏng công nghệ gay mbơh nău gĭt blău tât ăp nuĭh bu ur, ăp gưl hội ân njrăng ŭanh tât rmôt bu ur jêr jŏt, ta nkual jru ngai đăp mpăn dơi an khân păng tât đah nkô̆ nkoch trêng./.

VOV Tây Nguyên

Nuĭh rblang: Điểu Thân