VOV4.M’nông – Kêng măng 8/2, Groi Thủ tướng Chính phủ Vũ Đức Đam, Groi kruanh Ban ntĭm rđău Ngih dak mpeh njrăng n’gang chôt srê Covid-19 ƀư tơm rơh rƀŭn đah kruanh N’gâng kan dak si, Ăp nuĭh way kan dak si, kruanh du đêt ntŭk mpeh rdâng rnôk saơ F0 tâm ngih sam ƀŭt. Tĭng nĕ, ăp nuĭh way kan mĭn lah nău rƀŏng njrăng n’gang srê săk rnglăy tĭng trong nchoeng jêt rnôk saơ F0 tâm jrô nti, đăp mpăn ngih sam ƀŭt hôm e pơk mpông đăp mpăn. Ta rơh rƀŭn ăp nuĭh way kan an lah, bôl lĕ chuh vaccine, yơn njrăng n’gang srê lah nsum an njrăng tât nu nău mô uĕh, đah dơi saơ ntil mhe bah kaman ntưp ngăch lơn. Rnôk 20 rkeh kon hŏk tât ngih sam ƀŭt an njrăng lor geh rnoh kon se Covid-19 hao âk. Groi Thủ tướng Vũ Đức Đam mĭn lah, rơh rdâng srê Covid-19 dơi mât njrăng săk soan bah nuĭh ƀon lan bôk năp, lơn lah tâm nĕ mât njrăng săk soan bah kon se. Groi Thủ tướng Vũ Đức Đam đă n’gâng kan dak si kơp uănh n’hanh geh trong ntĭm săm êng an kon se ntưp Covid-19, nkre geh trong ntĭm n’hao mât njrăng Khoa nhi ta ăp ngih dak si ta lam dak.

Nuĭh rblang: Y Sưng Phê Ja