VOV4.Mnông- Gay ma leo tâm rdâng đah nuh srê, ta rơh tết Nguyên đán Nhâm Dần, nkuăl ƀon têh Hà Nội đă ăp ntŭk rgum, leo kan ta ăp nău tât, ngăn lah tâm rnôk ta ntŭk lĕ geh ntoh ntil rgâl săk Omicron. ăp nar ba năp, râng geh ăp nar nkuăl ƀon têh kơn dơn klâp ma 2.900 nuĭh ntưp mhe. Rnoh nuĭh ntưp mhe dôl geh mât njrăng dơi, yơn lah nchroh tâm pơh tât tay mbra geh kơp dơn hŭch rlăm yor nuĭh ƀon lan sĭt ta ƀon tơm vơt tết mbra hao tay lôch tết. Aƀaơ, nkuăl ƀon têh Buôn Ma Thuột dôl ta rnoh mbơh njrăng mbrô 2 tâm nău kan njrăng rdâng nuh srê. Nkuăl ƀon têh kơp dơn geh 14 nuĭh ntưp đah nuh srê rgâl săk Omicron. Rgâl săk mhe lĕ ntoh geh ta Hà Nội, mbra geh trĕ lam ta ntŭk rêh jêng lah mbra geh âk. Yor nĕ, an geh uănh nđôi na nê̆ n’hanh geh dŏng ăp ntrong kan mât njrăng nău ntưp rêng đah ăp ntil nău tâm ntưp bâh ntil rgâl săk mhe aơ. Ntŭk kan dak si Hà Nội dăn đă ăp ngih dak si an geh ƀư ueh nău kan mât săm, kơl săm an nuĭh ƀon lan, mât đăp mpăn nuĭh geh mât săm n’hanh ngăch mât săm, mô an njĭm jŏ ir.

                   Nuĭh rblang: Thị Đoắt