VOV4.M’nông – Ôi 6/10 nkual ƀon têh Hà Nội ƀư ntơm rdâk nkra nău nchrăp ƀư trong mŭr ta ntŭk trong vành đai 2.5-Giải phóng (quận Hoàng Mai). Nău nchrăp ƀư geh dĭng lĕ uănh an 780 rmen prăk bah tơm prăk nkual ƀon têh Hà Nội. Nău nchrăp ƀư trong mŭr ta ntŭk trong vành đai 2.5-Giải phóng geh 4 mbôr ndeh, dĭng lĕ jong nklăp 460 mét, tâm nĕ du gâl trong mŭr jong 140 mét n’hanh trong mŭr ƀah jong 320 m. Ntŭk bôk bah trong mŭr nthoi đah nău nchrăp ƀư trong Vành đai 2.5 lvang Đầm Hồng-Quốc lộ 1A.

Trong mŭr vành đai 2.5-Giải phóng geh rnoh ntuh kơl bơi 800 rmen prăk

Ntoh ngơi ta ntơm ƀư, wa Trần Sỹ Thanh, Kruanh UBND nkual ƀon têh Hà Nội lah rjăp, Nău nchrăp ƀư trong mŭr Vành đai 2.5 đah trong Giải phóng dơi năl lah ndơ ƀư khlay bah nkual ƀon têh lvang 2021-2025; nău uch n’hŭch bâp kol trong n’hanh ntơm jêh nkra ntung trong thủ đô tĭng dăp rgum lĕ dơi Thru tướng Chính phủ uănh an. Yor rĭ, nău ndâk ƀư nău nchrăp lah dŭt n’hâm khlay n’hanh jăch ndăn.

VOV.VN/  Nuĭh rlang: Y Sưng Phê Ja