Ntoh ngơi ta bôk nău kan nghệ thuật “Nkual neh huêng khlăy Đồng Lộc - nthoi tu tơm rbăn năm” geh ƀư dŭt pơh ba năp, ta nkual di tích N’geh pe Đồng Lộc, groi kruanh dak Võ Thị Ánh Xuân ŭch “Đảng bộ, n’gâng kan, tahen n’hanh ƀon lan n’gor Hà Tĩnh ƀư ueh jăp tay lơn nău kan tâm pêt tâm kơl, mât kơl an nuĭh geh kan kăl e, nuĭh geh kan đah cách mạng; n’hao nău way ơm mpeh văn hóa, nău kan têh dăng bâh cách mạng bâh ƀon tơm, ndâk nsơm nău mĭn nău nsrôih nău knơm bâh kon nuĭh Hà Tĩnh, geh mbơh nchih tay ăp nău têh khlăy bâh yôk Hồng dak me La tâm rơh mhe”.

Bôk nău kan nghệ thuật “Nkual neh huêng khlăy Đồng Lộc- nthoi tu tơm rbăn năm”, yor Báo Nhân dân, Trung ương Đoàn TNCS Hồ Chí Minh n’hanh n’gor Hà Tĩnh tâm rgop ƀư. Bôk nău kan geh 3 nkô̆, kơl an nuĭh uănh geh rêh tay đah ăp nău ueh huêng khlăy bâh lịch sử. Rgŏ lĕ bôk nău kan lah nău tâm rgop rgâl bâh nău mĭn tât nău pah kan, bâh ăp nău ŭch rŏng, nău ŭch bâh rơh mom ndăm mbra geh nău tâm lơh, nău mĭn yor đăp mpăn, dơn ngoăy neh dak tât nău nsrôih bâh rơh mom aƀaơ rdâk njêng neh dak têh ndrŏng , đăp mpăn.