VOV4.M'nông: Ôi (30/5), Ta Trung tâm văn hóa xứ Đông, n'gor Hải Dương ƀư Tâm nchră mâp măt doanh nhân Nhật Bản 2022 đah nkô̆ “Hải Dương- Săk geh n'hanh lah rnôk ntuh kơl FDI”. Rlău 25 năm wăch rgum ntuh kơl FDI, tât aƀaơ, hŏ geh 490 trong nchrăp ntuh kơl dak bah dih ntuh kơl tâm n'gor Hải Dương; tâm nê geh 60 trong nchrăp kan bah Nhật Bản đah lĕ rngôch tơm prăk ntuh kơl bơi 1,5 rmen USD, dâk  tâl bar mpeh rnoh âk trong nchrăp ntuh kơl n'hanh rnoh prăk ntuh kơl FDI ta Hải Dương. 

Wa Phạm Xuân Thăng, Bí thư Tỉnh ủy Hải Dương lah rjăp, Hải Dương mbra lah du ntŭk tât ntuh kơl khlay bah ăp doanh nghiệp Nhật Bản. Ta rnôk tâm nchră, Kruanh n'gor Hải Dương hŏ rblang na nê̆ ăp nău kŏ kol, droh rklaih âk jêr jŏt an ăp doanh nghiệp Nhật Bản; mpư rnê n'hanh pă an ndơ nkhôm an du đêt doanh nghiệp Nhật Bản ntoh lư, geh nău kan ƀư njêng tăch rgâl uĕh n'hanh rgop têh an ngân sách Ngih dak tâm ban kơt n'gor Hải Dương.

Nuĭh rblang: Điểu Thân