Tĭng ƀư nău tâm pă kan bah Ban rđău đă gưl neh dak mpeh njrăng, n’gang trôk nar lơh, nar ntri (12/7), Mpôl pah kan Bộ Thông tin n’hanh Truyền thông tă bah Thứ trưởng Phạm Đức Long, nuĭh kan tâm Ban rđău đă ƀư kruanh mpôl leo hăn hŏ geh rơh pah kan đah n’gor Kon Tum mpeh pah kan njrăng, n’gang trôk nar lơh.

Nău mbơh bah Ban rđău đă njrăng, n’gang trôk nar lơh- kơl joi nuĭh geh tât rmanh n’hanh Njrăng n’gang ƀon lan n’gor Kon Tum đah mpôl pah kan an saơ, tât aƀaơ lĕ rngôch 102 xã, phường, thị trấn bah n’gor hŏ njêng Mpôl hăn lor njrăng, n’gang trôk nar lơh đah 5.200 nuĭh; lĕ rngôch 10 nkuâl, nkual ƀon têh bôk năp hŏ tŏng đah nău ŭch geh ƀon lan gŭ rêh n’hanh tĭng quy định mpeh njrăng, n’gang trôk nar lơh ta ntŭk; ndơ ôp ngơi rhŏ dŏng an pah kan njrăng n’gang, ƀĭt juet tâm njrăng, n’gang trôk nar lơh dơi năp ăp tŏng. Lah ta rơh pah kan, wa Phạm Đức Long êng uănh khlay tât trong rƀŏng “4 ta ntŭk” tâm njrăng, n’gang trôk nar lơh; nău ntrôl dăng pah kan nkoch trêng, rdâk njêng trong nchrăp pah kan njrăng, n’gang trôk nar lơh, ndrel đah nê lah ngăch rgâl trong nchrăp, trong nkra pah kan njrăng, n’gang trôk nar lơh bah năp nău tât ndal bah trôk nar./.