VOV4.M’nông - Hang rhiăng tơm n’ho ta phường 8, nkual ƀon têh Đà Lạt (Lâm Đồng) geh kăl. Nău dôl lah, phah bri aơ mô di gay sŏk si yơn đah nău ŭch ri ngih pah kan dơi kan dôl uănh nđôi ƀư kloh. Ntŭk bri geh phah ta lô A, lô B, khoảnh 15, tiểu khu 148B, phường 8, nkual ƀon têh Đà Lạt (Lâm Đồng), nkual bri nchăng n’gang phŭt sial yor Mpôl mât uănh bri Lâm Viên mât uănh.

Hang rhiăng tơm n’ho bri nchăng n’gang phŭt sial Đà Lạt geh nuĭh kăl ntŭng

Ta aơ, rhăng tơm n’ho têh bah 20 tât 60cm lĕ geh ot chôt. Tâm rnoh aơ geh tơm n’ha lĕ kro yơn âk tơm dôl hôm rih, tơm luh ntăk. Nău phah bri mô hŏ dơi năl na nê̆ rnôk geh, yơn tâm ôi 17/5, ăp ngih pah kan bah nkual ƀon têh Đà Lạt lĕ ndăn lăp, tâm rgop kơp, uănh năl ta ntŭk, nkra sam ƀŭt rhăch nău gay joi nuĭh ƀư.

Nuĭh rblang: Y Sưng Phê Ja