Ôi 23/3 ta Hà Nội, Hiệp hội doanh nghiệp jêt n’hanh dah găp Việt Nam ƀư Đại hội đại biểu lam dak rơh tal 4 năm kan 2023-2028. Bí thư Trung ương Đảng, Groi Thủ tướng Lê Minh Khái tât râng n’hanh ntoh ngơi ntĭm rđău Đại hội.

Đah bơi 64 rbăn rmôt nuĭh, năm bah bah năp Hiệp hội lĕ ƀư tĭng uĕh nău tơm, nău kan n’hanh nău ƀư săk rnglăy bah Ban Chấp hành năm kan 2018-2023, Hiệp hội lĕ hun hao dăng lĕ đah têh, ntil nău ƀư, rnoh geh, uĕh nâp n’hanh săk rnglăy nău kan. Nkoch mpeh nău kan tâm năm tât, Groi Thủ tướng Lê Minh Khái đă, Hiệp hội doanh nghiệp jêt n’hanh dah găp Việt Nam mât uĕh tay nău way uĕh ơm, geh âk trong mkra, nău ƀư na nê̆, hăn ndrel đah Chính phủ, ăp n’gâng kan, ƀon lan gay ntop kơl ăp doanh nghiệp jêt n’hanh dah găp rlet rlău jêr jŏt, ntrôl dăng rdâk hao tay n’hanh hun hao.