VOV4.M'nông: Ôi 13/4, ta Hà Nội ƀư ntơm pơk Hội báo lam dak 2022. Hội báo lam dak 2022 mô dơn lah nar rgum bah mpôl báo chí n'hanh lam mpôl kan báo chí lam dak ma hôm lah nău lah rjăp neh dak hŏ rgâl jêng plơ̆ kơt ơm mhe lôch ăp nău tât khuch bah nuh srê Covid-19.

Aơ lah rnôk mpư rnê nău hun hao dăng, ăp nău dơi têh kuâng bah Báo chí Việt Nam, nkoch n'hơ ăp ndơ geh ƀư báo chí nkre đah nău pah kan, blău ƀư mhe tâm lam dak; nkre, n'hao dăng tâm nđŭr, tâm mâp đah nuĭh ƀư báo đah mpôl nuĭh djăt uănh, lôch nê ntrŭt nsôr mpôl báo chí tĭng  ƀư dŭt uĕh nău dơi, nău dơn kan tŏng geh nău lư nar lơn ma âk bah ƀon lan. Tâm 3 nar ƀư Hội báo lam dak 2022, VOV hŏ geh du bôk nău kan âk mpưm gay nkoch n'hơ ăp văn hoá bah rnoi mpôl đê̆ ntơh măt an 13 ntil nău ngơi ma VOV dôl pơk tât đah ăp ƀon lan rnoi mpôl đê̆./.

Nuĭh rblang: Điểu Thân