VOV4.Mnông-Ôi nar 6/4, Hội chữ thập đỏ n’gor Dak Lăk ƀư rơh vơt dơn prăk n’hanh ndơ dŏng đah rnoh khlăy 1,2 rmen prăk yor ăp ntŭk kan ntuh kơl an ăp nău pah kan rnă njrăng rêh jêng ta n’gor. Ta rơh vơt, ăp nuĭh ntuh kơl lĕ ntuh kơl an rnoh prăk ƀư 4 ngih tâm rŏng đah rnoh khlăy 320 rkeh prăk, pă an 1 rbăn thung dak n’hanh 500 nă ŭnh mô nsuk đah rnoh prăk 950 rkeh prăk.

Wa Trần Thị Phương Thu, groi kruanh rnâng kan Hội chữ thập đỏ n’gor Dak Lăk an gĭt, Ntŭk kan mbra uănh nđôi, săch an ăp rnăk vâl geh nău rêh dŭt jêr jŏt tĭng nău mpŏng kan bâh ntŭk kan ntuh kơl gay ma kơl an rdâk njêng ngih gŭ. Đah thung dak ngêt n’hanh nă ŭnh mô nsuk dŏng bếp gas, ăp nkuăl rđŭng kơt lah Lăk, Ea Sup way geh dak buk gay ma kơl an nuĭh ƀon lan geh ndơ trih dak dŏng tâm nău rêh ta yan dak buk. Aơ lah nău kan ngăn ngên bâh ăp doanh nghiệp gay ma nsum ti kơl an nău rêh jêr jŏt, ntop tât râng rdâk njêng nkual ƀon lan mhe, nkuăl ƀon têh ueh ta ntŭk.

Nuĭh rblang: Thị Đoắt

t