VOV4.M'nông: Nthoi tay rơh hop rgum lam lĕ rngôch tâl 4, nar 26/8, ta nkual ƀon têh Buôn Ma Thuột, n'gor Dak Lak, Hội đồng dân tộc Quốc hội hŏ ƀư ôp nău rgop bah ăp đại biểu Quốc hội mpeh trong nchrăp Luật neh ntu (rgâl nkra) mbra dơi mĭn uănh ta rơh hop tâl 4, Quốc hội khoá XV. 

An nău rgop tâm trong nchrăp Luật neh ntu rgâl nkra, ăp nuĭh rgum tâm ăp nkô̆ geh tât nkual rnoi mpôl đê̆ n'hanh mpeh yôk yang. Ta rơh ôp nău, ăp nuĭh dăn đă âk nău rgop mpeh quy định si ƀŭt kơp dơn nău dơi dŏng neh bri dŏng tăch, neh bri tu dak nching sial, bri dŏng mha êng an ƀon lan; nău dơi n'hanh nău way bah ƀon lan đah neh ntu; nău way trok tâm khuch khat mpeh drăp ndơ, rlu tăch rgâl rnôk ngih dak sŏk mplơ̆ tay neh./.

                 Nuĭh rblang: Điểu Thân