VOV4.M’nông –  Tâm 2 nar 25-26/8, ta nkual ƀon têh Buôn Ma Thuột, n’gor Dak Lak, Hội đồng dân tộc Quốc hội khóa 15 ƀư rƀŭn lĕ rngôch rơh tal 4 gay mbơh ƀư ăp nkô̆ nău rhŏ an rơh rƀŭn tal 4, Quốc hội khóa 15 n’hanh uănh mĭn an nău rgop du đêt nkô̆ nău geh tât Bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt nkual yôk lvang 2021-2030, bôk nău rgop tâm nchră rgâl mhe, n’hao uĕh, săk rnglăy bah Hội đồng dân tộc, tâm nchră rgop nău gay uănh nđôi Nău nchrăp ƀư Luật neh ntu (nkra rgâl).

Hội đồng dân tộc Quốc hội khóa 15 rƀŭn lĕ rngôch rơh tal 4

Ntoh ngơi ntơm ƀư rơh rƀŭn, wa Y Thanh Hà Niê Kđăm, kruanh Hội đồng Dân tộc Quốc hội đă ăp nuĭh ntoh măt rgum tâm nchră uănh lah ăp săk rnglăy dơi geh, rblang nkô̆ nău hôm e nkân ê hŏ dơi ƀư. Bah nĕ n’gluh an trong mkra gay ƀư uĕh lơn ăp nău kan lĕ n’gluh an. Tâm nĕ, dŭt uănh mĭn tât ăp bôk nău kan rƀŏng tĭng lam dak hun hao wăng sa rêh jêng nkual rnoi mpôl đêt-nkual yôk.

Nŭih blang: Y Sưng Phê Ja