Mpôl kan lĕ tât khâl, rhơn tết ntŭk kan tâm rnglăp sư sãi rŏng dak n’gor Trà Vinh, cán bộ rlu ranh, nuĭh tă kan cách mạng ta n’gor. Wa Y Thanh Hà Niê Kđăm mbơh nău kơl an hun hao nkual rnoi đê̆ lah nsum n’hanh nkual ƀon lan Khmer Nam bộ lah êng.

Ngăn lah, tâm năm kan khóa 14 mhe nơh, Quốc hội lĕ an dŏng nău nchrăp kan lĕ rngôch n’hanh bôk nău kan nkô̆ mpŏng ngih dak hun hao wăng sa- rêh jêng nkual rnoi đê̆ gôl yôk lvang năm 2021-2030 đah lĕ rnoh geh rlău 50 rbăn rmen prăk. Wa Y Thanh Hà Niê Kđăm ŭch ăp nuĭh Hòa thượng, Thượng Tọa, Đại đức geh n’hao tay nău kan bâh nơm ta trong ndâk nsơm rdâk njêng rmôt kan tâm rnglăp mpôl rnoi, rgŏ jă ƀon lan geh n’hao tay nău tâm rnglăp, rgŏ jă phật tử mât nău pah kan jan sa, n’hao nău geh, n’hao nău rêh an ƀon lan.