Ôi 11/8 ta n’gor Dak Lak, Hội đồng Lý luận phê bình văn học nghệ thuật Trung ương hŏ mpôch jêh Tâm nchră kơi năp nti n’hao nău gĭt blău nău way kan, rgâl mhe trong rđău kan, tâm nô nău mhe. Tâm nchră kơi năp nti ƀư ntơm bah 7-11/8 đah nău tât râng bah rlău 300 nuĭh nti lah kruanh rđău kan ăp Hội văn học nghệ thuật, ban tuyên giáo tỉnh ủy, giảng viên ăp nhih nti đại học, cao đẳng n’hanh phóng viên, biên tập viên ăp nhih pah kan báo chí xuất bản ta 36 n’gor nkual ƀon têh.

Tâm 5 nar aơ, ăp nuĭh râng nti dơi tâm ôp 6 way nkô̆ geh tât nău  ngăn geh n’hanh nău ŭch hun hao bah pah kan lý luận phê bình văn học nghệ thuật; công nghiệp văn hóa n’hanh ntŭk gŭ kan, nău khlay kan bah văn học nghệ thuật tâm nău hun hao bah công nghiệp văn hóa; rnôk rgâl mhe nău kan bah Liên hiệp ăp hội văn học nghệ thuật Việt Nam n’hanh ăp hội văn học nghệ thuật chuyên ngành trung ương ta năp nău ŭch geh mhe.