VOV4.M’nông- Ôi nar 29/3, ta Quảng Ninh, Hội đồng Lý luận Trung ương ƀư rơh rƀŭn nchră tal 3. Rơh rƀŭn nchră rgum tâm nchră, tâm rgop ta 2 nău nchrăp mbơh tơih ôp nău, nĕ lah nău mbơh ôp nău “Du đê̆ nău lý luận-nău ngăn bâh 15 năm ƀư tĭng Nghị quyết Trung ương 7 khóa 10 mpeh tuch tăm, ƀon lan kan lŏ mir, nkual ƀon lan gŭ”, nău mbơh tơih mbơh mpeh du đê̆ nău lý luận- nău ngăn bâh 20 năm ƀư tĭng Nghị quyết trung ương 5 khóa 9 mpeh rgâl mhe tay, hun hao n’hanh n’hao săk rnglăy wăng sa nsum”.

Ntoh ngơi ta rơh rƀŭn nchră, kruanh Hội đồng lý luận Trung ương Nguyễn Xuân Thắng lah na nê̆, ăp nău dơi geh lĕ geh khlăy n’hanh dŭt tâm di. Lôch 35 năm rgâl mhe, tuch tăm geh njoat rgâl mhe jêng pah kan tăch rgâl, dŏng công nghệ mhe, n’hao nău ueh di n’hanh săk rnglăy, an geh lah jrŏng tơm bâh n’gâng kan wăng sa, wăng sa nkual ƀon lan geh hun hao tay, bôk nău kan rdâk njêng nkual ƀon lan mhe geh âk nău dơi khlăy.

Nuĭh rblang: Thị Đoắt