VOV4.M’nông- Ôi nar 20/5, Hội đồng nhân dân nkuăl ƀon têh Hà Nội khóa 16, leo ƀư rơh rƀŭn nchră bôk nău kan gay ma uănh n’hêl, tâm nchră, ntrŭnh mbơh naư kan pă dăp, an tâm ban rnoh prăk ntuh kơl rdâk njêng trong mper 4- nkual Thủ đô gay ma ntop tay ta săm ƀŭt rhŏ ndơ̆ an Quốc hội uănh n’hêl. Aơ lah nău nchrăp kan dŭt khlăy bâh ngih dak yor Quốc hội ntrŭnh mbơh ntuh kơl. Đah lĕ rngôch rnoh đại biểu tât râng tâm ban ŭch, HĐND nkuăl ƀon têh Hà Nội lĕ tâm ban ŭch dơn ngoăy nău ntrŭnh nchrăp kan rnoh prăk mbơh ƀư tĭng nău nchrăp kan ntuh kơl rdâk njêng trong der 4- nkual thủ đô geh pă bâh tơm prăk nkuăl ƀon têh lah klâp ma rlău 23.520 rmen prăk.

Nău nchrăp kan geh lĕ rnoh jong rlău 112km, hăn rlău 3 n’gor, nkuăl ƀon têh, Hà nội, Hưng Yên n’hanh Bắc Ninh. Ntŭk tât ta trong têh Nội Bài-Lào Cai ta nkuăl Sóc Sơn, nkuăl ƀon têh Hà Nội, ntŭk dŭt lah ta trong têh Nội Bài- Hạ Long ta nkuăl Quế Võ, n’gor Bắc Ninh. Nchrăp lĕ rnoh prăk 85.800 rmen prăk, mông nar ƀư nchrăp bâh năm 2022 tât năm 2027.

 Nuĭh rblang: Thị Đoắt