Ndrel lam dak, 8 mông ôi 18/7, Hội đồng tâm rlong tốt nghiệp THPT năm 2023 n’gor Kon Tum lĕ mbơh điểm tâm rlong tốt nghiệp tĭng di nar bah N’gâng kan ntĭm nti. Tĭng nĕ Rnoh dơi tốt nghiệp THPT năm aơ n’gor Kon Tum geh 98,74% hao 1,0% nkôp đah năm 2022. Rĭng điểm môn tâm rlong tốt nghiệp geh 6,19 điểm. Kơp êng bah N’gâng kan ntĭm nti an saơ n’gor Kon Tum hao 6 gưl mpeh điểm rĭng tâm rlong tốt nghiệp THPT năm 2023 nkôp đah năm 2022, dâk tal 2 tâm nkual Tây Nguyên.

Rơh tâm rlong tốt nghiệp THPT năm 2023 geh bah nar 28-29/6/2023 n’gor Kon Tum geh 5.028 kon hŏk râng tâm rlong, tâm nĕ geh rlău 1.700 kon hŏk rnoi mpôl đêt. Kon hŏk râng uănh an tốt nghiệp THPT lah 4.843 kon hŏk. Lam n’gor geh 12 ntŭk tâm rlong an nê̆ đah 224 jrô tâm rlong. Rơh tâm rlong dơi uănh lah ƀư đăp mpăn, rhăt jăp n’hanh di nău ntrŭnh.