Kêng măng (17/9), ta nkual ƀon têh Buôn Ma Thuột ƀư rƀŭn nchră n’gul gâl rơh ƀư tĭng “Tâm ton kan ndrel yor đăp mpăn n’hanh hun hao” đah Hội Liên hiệp Bu ur n’gor Dak Lak (Việt Nam) n’hanh N’gâng kan pah kan Bu ur n’gor Mondulkiri (dak Campuchia), lvang 2022-2027.

Ta rƀŭn nchră, ăp đại biểu lĕ nkoch nău blău ơm tâm trong kan ntop kơl bu ur rdâk njêng nău kan, rdâk njêng nău tăch rgâl; mât ndrăy, mât uĕh văn hóa, nău way ơm uĕh bah rnoi nuĭh ăp dak. Tâm nchră tâm ban ŭch trong kan ndrel tâm ƀư tĭng ăp nău kan ntop kơl bu ur, kon se ta ntŭk ăp xă n’har bri. Wa Tô Thị Tâm, Kruanh Hội Liên hiệp bu ur n’gor Dak Lak an gĭt, năm tât, rmôt kan bu ur 2 n’gor mbơh ƀư săk rnglăy tay ăp nkô̆ nău bah tâm ton kan ndrel.