VOV4.M'nông: Kêng măng 20/5, ta Rơh hop way nkô̆, HĐND n'gor Khánh Hòa khóa VII hŏ uănh an dŏng Nghị quyết mpeh tâm ton tâm pă tơm prăk ntuh kơl lvang năm 2021 – 2025, bah tơm prăk n'gor gay râng ƀư trong cao tốc Khánh Hòa- Buôn Ma Thuột, nchrăp bơi 350 rmen prăk gay râng ƀư trong, đăp mpăn geh dŭt đêt 50% prăk an trok tâm, đă ntrơn du ntŭk rong an ƀư trong mpeh n'gor Khánh Hòa. Rnoh prăk tâm pă ngăn mbra tĭng ƀư hồ sơ Mbơh gŭ mĭn nău dơi lor bôk năp n'hanh mbơh gŭ mĭn nău dơi ƀư hŏ gưl n'gâng kan uănh an ƀư. Trong nchrăp ƀư trong cao tốc Khánh Hòa - Buôn Ma Thuột lah ngoăy tâm ăp trong nchrăp kan khlay gưl neh dak dơi Chính phủ dăn đă Quốc hội n'glêh an trong nchrăp ntuh kơl tĭng tơm prăk ngih dak. Lĕ rngôch rnoh jong njăr trong hăn nklăp 117 km đah 4 mbor ndeh n'hanh nchrăp ntơm ƀư năm 2023, lôch jêh bôk năp tâm năm 2025./.

Nuĭh rblang: Điểu Thân