VOV4.M’nông –  Tâm “khay druh ndăm”, Đoàn thanh niên Công ty điện lực Dak Lak ƀư âk nău kan geh nkô̆ khlay. Na nê̆, ntŭk kan lĕ an ndơ an 6 kon hŏk ach o jêr jŏt ta xă Bình Hòa, nkuăl Krông Ana, du nklâm ndơ khlay 2 rkeh prăk; mbơh ƀư ndơ “Mpoh ang trong ƀon tơm” ta thôn Giang Xuân, xă Ea Dah, nkuăl Krông Năng, jong 1 km trong srê đah 19 ŭnh bóng mpoh ang ntŭk gŭ rêh, dĭng lĕ khlay rlău 30 rkeh prăk.

Đoàn thành niên PC Dak Lak an ndơ an ăp kon hŏk ach o rlet rlău jêr jŏt.

Tâm khay druh ndăm, ntŭk kan lĕ ƀư “Mpoh ang trong ƀon tơm” khlay 50 rkeh prăk, ƀư rlău 1km trong sre đah 22 bóng mpong ang ăp trong hăn tâm ƀon Sút M’drang, xă Cư Suê, nkuăl Cư M’gar. Ndrel đah ăp nău ƀư đăp mpăn nău rêh jêng, ndruh ndăm CP Dak Lak ƀư pă nău kan uănh nđôi kỹ thuật trong sre trung, hạ áp, trạm biến áp ta nkual n’har bri nkuăl Ea Súp.

Nuĭh rblang: Y Sưng Phê Ja