Nău nchrăp kan ntuh kơl rdâk njêng trong hăn têh ngăch Tân Phú- Bảo Lộc geh nău jong klâp ma 66km, tâm nĕ 11km hăn let nkuăl Tân Phú, n’gor Đồng Nai n’hanh 55km ta n’gor Lâm Đồng.

Ndrel đah trong hăn têh ngăch Tân Phú- Bảo Lộc, UBND n’gor Lâm Đồng dôl geh ntrôl nău mbơh tơih rdâk njêng trong hăn mbluh tât lah Bảo Lộc- Liên Khương geh nău jong 74km, nău têh hăn 4 mbor ndeh, đah lĕ rnoh  ntuh kơl nchrăp lah 19,521 rmen prăk. Ăp nău nchrăp ƀư trong têh Tân Phúc- Bảo Lộc n’hanh Bảo Lộc -Liên Khương lah trong hăn tơm, hăn ndrel, tâm rgop tăch rgâl bâh Lâm Đồng đah nkuăl ƀon têh Hồ Chí Minh n’hanh ăp n’gor mpeh ba dâng. Rnôk ma ăp trong hăn têh ƀư lôch mbra geh ntrôl lơn nău wăng sa- rêh jêng bâh Lâm Đồng n’hanh ăp n’gor tâm ăp nkual hun hao.