VOV4.Mnông- Lôch 1 pơh mbơh hăn nti ta ngih nti, oh kon se mầm non, kon hoc tiểu học n’hanh kon hoc nti jrô 6 ta nkuăl ƀon têh Buôn Ma Thuột, n’gor Dak Lak an geh plơ̆ tay ngih nti bâh nar 21/2/2022 an tât rnôk geh mbơh mhe. Nkô̆ nău geh UBND nkuăl ƀon têh Buôn Ma Thuột, Dak Lak ngluh mbơh an hăn nti ta ngih nti đah ăp gâl nti mầm non, tiểu học n’hanh kon hoc nti jrô 6 THCS lah yor nuh srê Covid-19 dôl ntưp âk ta ntŭk.

Tât aƀaơ, lĕ geh rlău 40 nai nti n’hanh rlău 420 kon hoc ntưp đah SARS-Cov2. Đah oh kon se ba dâng 11 năm deh mô hŏ chuh vacxin Covid-19. Gay ma mât đăp mpăn săk soan an kon hoc n’hanh nai nti, UBND nkuăl ƀon têh Buôn Ma Thuột, Dak Lak ntĭm đă rlu nti ta ngih nti đah mầm non, tiểu học n’hanh kon se nti jrô 6 ta nkuăl ƀon têh bâh nar 21/2/2022 an tât rnôk geh nău mbơh mhe. Đă ntŭk kan ntĭm nti mbơh tơih trong kan nti trực tuyến đah ăp gâl nti aơ.

Nuĭh rblang: Thị Đoắt