VOV4.M’nông: Jêh rnôk rlu sa tết Nhâm Dần 2022, lơ 7/2, Nkuăl ƀon têh Buôn Ma Thuột n’gor Dak Lak hŏ geh kon se hăn nti sŏng. Tâm rnôk srê nuh hôm geh nau tât jêr, nau kan mât nau ntĭm nti geh nsum ma nau kan mât đăp mpăn dơi geh ăp ngih săm ƀŭt ndơ̆ n’hao bôk năp. Êp nau kan kơt tĭng ăp nau ntrŭnh mât đăp mpăn nau njrăng rdâng srê, ăp ngih săm ƀŭt kŏ ndơ̆ luh nkô̆ nau kan lăp tâm nau kơt dŏng mhe.

Tâm ngih săm ƀŭt THCS Lạc Long Quân, nkuăl ƀon têh Buôn Ma Thuột, geh 680 kon se nti ntơm jrâu 7,8,9 hŏ hăn nti. Nsing tâm nau njrăng rdâng srê Covid-19 bah nkuăl, nkuăl ƀon têh Buôn Ma Thuột ân kon se nti ntơm jrâu 7-9 hăn nti jêh lôch sa tết năm mhe. Jêh du bông năm nti trực tuyến gay ma njrăng srê Covid-19, lơ 7/2, kon se nti, nai ntĭm tâm nkuăl ƀon têh Buôn Ma Thuột n’gor Dak Lak ntơm rơh nti rợh 2 nti sŏng ueh mhe. Ăp nê kŏ geh nau rhơn m’ak, ngăch tâm di đah nau tât mhe yơn mô ân geh nau thơ tha tâm nau kan njrăng rdâng srê Covid-19./.

Nŭih rblang: H’Thi