Rơh thi tốt nghiệp THPT năm 2023 êp tât, tâm n’gor Kon Tum gay pơk trong ân ăp kon se thi, n’gâng kan bah n’gor hŏ geh ƀư âk nau kan kơl an, ngăn lah đah kon se nŭih rnoi mpôl đê̆. Rơh thi tốt nghiệp THPT năm aơ n’gor Kon Tum geh 5.028 kon se, tâm nê, 1.722 kon se rnoi mpôl đê̆. Đah nau nsôih mô ân kon se yor nau jêr ma mô geh râng thi, n'gâng kan tâm n'gor Kon Tum ƀư âk nau kan kơl an kon se nti, tă bah nau ntĭm nti ntop tay gay tât ăp nar hăn thi.

Rnôk aơ, Đoàn n'gor Kon Tum hŏ ndâk 5 rmôt kan kơl an ntop n'hâm tâm rnôk thi, ƀư nau kơp, kơl an ăp kon se geh nau rêh jêr jŏt, kon se tâm nkuăl jru, nkuăl ngai, N'gâng kan ntĭm nti 10 nkual, nkuăl ƀon têh bah n'gor hŏ ƀư nau kan kơl an kon se nti geh nau rêh jêr jŏt, kon se rnoi mpôl đê̆ mpeh prăk tâm rnok hăn nti tay ndrel ndeh hăn ro, ntŭk gŭ ngêt sa tâm rnôk hăn thi./.