VOV4.M’nông- Lôch rlău 2 năm mô geh pah kan yor nuh srê Covid-19, ta n’gor Kon Tum rơh khay rlu nti aơ, ăp oh kon se mom ndăm geh tât râng tay âk nău pah kan gay ma hun hăo nău blău bâh nơm bâh ăp ntŭk pâl rlưn dôl geh leo ƀư. Tât rnôk aơ, ăp ntŭk kan, ngih văn hóa ta Kon Tum lĕ geh mbơh ƀư âk nău nchrăp kan, nău pah kan khay rlu nti năm 2022 n’hanh ntơm vơt dơn mom ndăm lăp nti ăp jrô nti kơt lah: võ thuật, re dak, vẽ rup, nti tiếng Anh...

Nău blău leo kan đội

Nchrăp ta rơh khay rlu nti aơ, rnoh ăp oh kon se mom ndăm ta Kon Tum tât râng ăp ntŭk pâl rlưn gay ma hun hao nău dơi săk nơm mbra hao âk. Yuh Nguyễn Thị Tuyết Mai, kruanh ntŭk kan ntĭm nti Đoàn- hội-Đội n’hanh nău blău nti pah kan, ntŭk kan văn hóa thể thao thanh thiếu nhi n’gor Kon Tum an gĭt, ntŭk kan lĕ geh nchrăp ăp rnoh oh kon se mom ndăm tât râng ăp jrô nti blău êng săk nơm ta rơh khay rlu nti năm aơ hao ngăch ndal.

Nuĭh rblang: Thị Đoắt