Jêh rlau du khay ntrŭnh, rmôt ƀư nau kan hŏ jêh nau kan rklaih nau khuch rluh neh tâm ntŭk rluh dak me Pô Kô tâm nkuăl Đăk Glei. Tĭng nê, rmôt kan ƀư hŏ jêh nau rklaih nau khuch djơh tâm ntŭk chor ndrel jâng bât, đah rnoh jong nklăp 60m. Rnoh prăk gay ma dŏng nkra ntŭk djơh aơ lah bơi tât du rmen. Yơn lah, ntŭk jâng mpir geh rluh tâm dak me Pô Kô geh ntrŭnh bah rnôk aơ 14 năm, geh rnoh jong bơi tât 2km, rnoh ntuh kơl rlau 93 rmen prăk tă bah tơm prăk Trung ương. Êng ntrong mpir mpeh ba dâng, geh ntŭk djơh khuch rlau 3 rmen 700 rkeh prăk.

Năm 2013, ntŭk aơ nsrŭng nau kan đah rnoh geh leo lăp dŏng geh ƀư rlau 25 rmen. Tât năm 2019, ntŭk kan aơ mơ dơi geh UBND n’gor Kon Tum lŏ pă tơm prăk 12 rmen gay ma ntuh kơl ƀư tay ăp nau kan hôm e. Lôch năm 2021 ntŭk aơ mơ dơi jêh nau rnglăp ăp ntil ndơ geh dŏng, yơn lah, tât rnôk ƀa hun ê geh năl ơm ntŭk kan mât gay ma jao gay ma leo lăp dŏng ngăn ri hŏ geh nau djơh khuch tay, yor mih dak lip hô ri ma ntŭk kan ê nkra nê gay geh ê nkra ân nâp tay./.