Ôi 23/7, ta xă Ngọc Wang, nkuăl Đăk Hà, n’gor Kon Tum lĕ ƀư nar rgum lam ƀon lan mât rnă njrăng neh dak. Wa Trương Thị Ngọc Ánh, Groi Kruanh Ủy ban TW MTTQ Việt Nam râng n’hanh ntoh ngơi ngơi ta nar rgum. Lah ntŭk têh khlay mpeh mât njrăng bri dak rnă njrăng n’gor Kon Tum, nkuăl Đăk Hà geh dĭng lĕ rnoh neh bri rlău 84.500ha đah rnoh nuĭh rlău 87.000 nuĭh n’hanh geh 18 rnoi nuĭh oh nô gŭ rêh ndrel. Nău wât khlay bah trong kan ndâk njêng ntrong leo lam ƀon lan mât njrăng bri dak lah rgop đăp mpăn rnă njrăng, rhŏ an nău hun hao wăng sa, văn hóa, rêh jêng bah n’gor, năm bah năp nkuăl Đăk Hà lĕ ƀư 188 nar nkoch trêng mpeh ntrong leo lam ƀon mât rnă njrăng neh dak an rlău 37.400 nuĭh.

Ntoh ngơi ta Nar rgum wa Trương Thị Ngọc Ánh, Groi Kruanh Ủy ban Trung ương MTTQ Việt Nam đă n’gâng kan ƀon lan, rmôt kan, dơi kan, mặt trận nsum mpôl ăp gưl nkuăl Đăk Hà, n’gor Kon Tum n’hao, ntrôl dăng lơn tay ntrong leo lam ƀon lan mât rnă njrăng Neh dak. Gay ntrong leo lam ƀon lan mât rnă njrăng neh dak nar lơ hăn jru, uĕh nâp n’hanh ngăn ngên.