VOV4.M’nông –  Di nkah gĭt 50 năm lơh dơi Đăk Tô-Tân Cảnh (24/4), ta Quảng trường 24/4 ta nkuăl têh Đăk Tô, nkuăl Đăk Tô, n’gor ủy-HĐND-UBND-UBMTTQ Việt Nam n’gor Kon Tum lĕ ƀư nkah gĭt 50 năm Lơh dơi Đăk Tô-Tân Cảnh n’hanh wơt dơn Bằng dăp gưl di tích Ngih dak dŭt khlay di tích lịch sử Điểm Cao 1015 n’hanh Điểm Cao 1049. Mât uănh nuih n’hâm lơh dơi Đăk Tô-Tân Cảnh, 50 năm bah năp Đảng bộ, n’gâng kan ƀon lan, tahen n’hanh nuĭh ƀon lan ăp rnoi mpôl nkuăl Đăk Tô lah êng, n’gor Kon Tum lah nsum tâm rnglăp mro, ngăn lah Nghị quyết Đại hội 13 bah Đảng, Nghị quyết Đại hội 16 Đảng bộ n’gor n’hanh dơi geh âk săk rnglăy khlay.

Ntŭk ƀư nkah gĭt.

Ta nar ƀư nkah gĭt 50 năm Lơh dơi Đăk Tô-Tân Cảnh, Đảng bộ, n’gâng kan ƀon lan, tahen n’hanh nuĭh ƀon lan n’gor Kon Tum lap wơt dơn nău ntrŭnh bah Thủ tướng Chính phủ ntop tay di tích Điểm cao 1015 n’hanh Điểm cao 1049 ta nkuăl Sa Thầy n’hanh nkuăl Đăk Tô lăp di tích ngih dak dŭt khlay ntŭk lơh dăng Đăk Tô-Tân Cảnh. Lôch ƀư lễ, ăp nuĭh ntoh măt ndrel uănh nghệ thuật đah bôk nău “Đăk Tô-Tân Cảnh-du rơh nchrat ang ŭnh nkao”.

Nuĭh rblang: Y Sưng Phê Ja